O DESENVOLVEMENTO DA INDUSTRIA E DO TRANSPORTE
AVANCES TECNOLÓXICOS
 |  |  |
|---|---|---|
 |  |  |
 |  |
A INDUSTRIA SIDERÚRXICA
O sector siderúrxico estaba intimamente ligado á produción de carbón. A utilización de carbón permitía alcanzar altas temperaturas nos altos fornos nos que se fundía o metal.
Para aforrar gastos, estes adoitábanse situar en cuncas de hulleiras ou preto de xacementos de ferro.
Ademais, a expansión da máquina de vapor e a construción de ferrocarrís proporcionáronlle á industria siderúrxica unha demanda crecente de ferro e aceiro.
A INDUSTRIA TÉXTIL
Nesta industria, unha serie de inventos conseguiran mecanizar as tarefas de tecer e de fiar. A aplicación destes enxeños da enerxía hidráulica, primeiro, e da máquina de vapor, despois, multiplicou a produción a un ritmo vertixinoso.
Naceron desta maneira as primeiras factorías, nas cales un elevado número de obreiros manexaban máquinas que producían enormes cantidades de pano a un prezo tan baixo que ningún produto tradicional podía competir con el. Localidades coma Manchester multiplicaron a súa poboación por vinte en menos dun século.
A REVOLUCIÓN DOS TRANSPORTES E
DAS COMUNICACIÓNS
A Revolución Industrial supuxo o auxe do comercio e do transporte, xa que as inndustrias demandaban materias primas e os produtos manufacturados tiñan que chegar ata os consumidores.
A transformacións empezaron a partir da construción de canais e da mellora das estradas; non obstante, o cambio máis radical comportouno o ferrocarril, é dicir, a aplicación da máquina de vapor ao transporte.
A máquina de vapor tamén se aplicou á navegación, sobre todo á fluvial, co que se venceu a dificultade que ata entón supuxera o transporte a contracorrente.
A revolución precipitou outros cambios nas comunicacións: o desenvolvemento do sistema postal, ao que por primeira vez podía acceder o gran público, e Samuel Morse inventou o telégrafo eléctrico.
