A ORGANIZACIÓN DE PAZ
Os 14 puntos de Wilson:
En xaneiro de 1918, o presidente dos EEUU, Wilson, formulou 14 puntos nos que sinalaba os principios que debían rexer a ordenación de Europa tras a guerra. As súas ideas básica eran:
-
A libertade de navegación e de comercio, pois o ataque alemán aos barcos neutrais fora precisamente o motivo da entrada dos EEUU na guerra.
-
O recoñecemento do dereito dos pobos á autodeterminación, que conduciu á disolucióndos imperios plurinacionais e ao deseño dun novo mapa europeo. Este dereito non se aplicou ás colonias.
-
A renuncia á diplomacia secreta, á que se culpaba do inicio das hostilidades, aínda que en realidade nunca deixaría de practicarse.
-
A fundación da sociedade de Nacións para solucionar os conflitos de maneira pacífica.
Os alemáns dirixíronlle a Wilson a súa petición de armisticio coa esperanza de negociar con el unha paz máis benigna de acordo con ese puntos. Non obstante, nas negociacións prevaleceu finalmente a postura francesa, máis intrasixente, que esixía reparacións polos danos sufridos.
Os tratados de paz:
-
Tratado de Versalles: Alemaña viuse obrigada a asumir a responsabilidade da guerra. Ademais de devolverlle Alsacia e Lorena a Francia, debía pagar reparacións.
-
Tratado de Saint- Germain- en- Laye: O imperio austrohúngaro desmembrouse. Naceu o Estado de Checoslovaquia, que integraba as minorías alemás e mais as húngaras.
-
Tratado de Trianón: Romanía medrou con territorios de Hungría e Rusia. Hungría e Austria quedaban reducidas a pequenospaíses sen saída ao mar.
-
Tratado de Neuilly: Bulgaria tivo que entregarlle a Grecia a súa costa no Exeo.
-
Tratado de Sèvres: O imperio otomán despareceu e foi substituído pola República turca. Os seus territorios árabes foron repartidos como mandatos entre os británicos e os franceses.
